• अर्थ सरोकार सम्बाददाता 

काठमाडौं । महिला लघुवित्त वित्तीय संस्थाले आइपीओ निष्काशन गर्ने भएको छ । संस्थाले ४ लाख कित्ता आइपीओ बिक्री गर्न लागि धितोपत्र बोर्डसँग अनुमति मागेको छ । बोर्डसँग संस्थाले प्रतिकित्ता १०० रुपैयाँको दरमा उक्त कित्ता  आइपीओ बिक्री गर्न लागि अनुमति मागेको हो । 

आइपीओ बिक्री प्रबन्धकमा नेपाल एसबीआई मर्चेन्ट बैंकिङलाई  नियुक्त गरिएको छ । बोर्डको अनुमति पाएसँगै संस्थाको आइपीओ जारी हुनेछ । अहिले संस्थाको चुक्ता पुँजी ६ करोड रुपैयाँ छ भने आइपीओ बिक्रीपछि पुँजी १० करोड पुग्नेछ । चालु आर्थिक वर्षको पहिलो त्रैमासमा संस्थाले १ करोड ९८ लाख ८५ हजार खुद नाफा कमाएको छ ।