• अर्थ सरोकार सम्बाददाता 

काठमाडौं । मिर्मिरे लघुवित्त वित्तीय संस्थाले १२.६३ प्रतिशत लाभांश दिने घोषणा गरेको छ । कम्पनीको बुधबार बसेको संचालक समितिको बैठकले आर्थिक वर्ष ०७६ र ७७ को मुनाफाबाट १२ प्रतिशत बोनस सेयर र कर प्रयोजनको लागि ०.६३ प्रतिशत नगद लाभांश दिने घोषणा गरेको हो । 

हाल कम्पनीको चुक्ता पुँजी ३९ करोड ६१ लाख ४६ हजार रुपैयाँ छ । कम्पनीले घोषणा गरेको ४ करोड ७५ लाख ३७ हजार बोनस सेयर पारित भएमा पुँजी ४४ करोड ३६ लाख ८४ हजार रुपैयाँ पुग्नेछ । कम्पनीले प्रस्ताव गरेको लाभांश नेपाल राष्ट्र बैंकले स्वीकृतिपछि र कम्पनीको आगामी साधारणसभाले पारित गरेपछि सेयरधनीले पाउनेछन् ।