• अर्थ सरोकार सम्बाददाता 

मोरङ । मोरङबाट पाँच जना जुवाडे पक्राउ परेका छन् । मोरङ केराबारी गाउँपालिका– ६ बस्ने भुपेन्द्र भट्टराईको घरमा तास खेलिरहेको भन्ने सूचनाको आधारमा ५ जनालाई जुवाखालबाटै पक्राउ गरेको प्रहरीले जनाएको हो ।  

पक्राउ पर्नेमा केराबारी गाउँपालिका–६ कै ६० वर्षीय भट्टराई, ४३ वर्षीय बोधराज मगर, सुनसरी धरान उपमहानगरपालिका–१५ का ३६ वर्षीय अरुण केसी, ३८ वर्षीय शैलेश भुजेल र धरानकै ३६ वर्षीय हरी खत्री रहेका छन् । जुवाखालबाट पक्राउ परेका उनीहरुको साथबाट ८ लाख ८९ हजार २५० नगद, १३ बुक तास, २ वटा स्कुटी र २ थान मोसासमेत भएको छ ।