• अर्थ सरोकार सम्बाददाता 

काठमाडौं । अन्तत: मोर्गन इन्टरनेसनल कलेज बसुन्धाराका विद्यार्थीहरु धरौटीमा रिहा भएका छन् । विद्यालय शुल्कको विवादमा पक्राउ परेका ३ जना विद्यार्थीहरु जनही चार हजार रुपैयाँ धरौटी तिरेर रिहा भएका हुन् । काठमाडौंका प्रमुख जिल्ला अधिकारी काली पराजुलीले कक्षा १२ को परीक्षा दिने ३ नै जनालाई जनही चार हजार रुपैयाँ धरौटीमा छाडिएको जानकारी दिए । 

मोर्गन कलेजले विद्यार्थीले अभद्र व्यवहार गरेको दाबीसहित प्रहरीमा उजुरी दिएको थियो । सोहि अनुसार उनीहरु पक्राउ परेका थिए । यता कक्षा १२ को परीक्षा भोलि (मंगलबार) बिहानबाट सुरू हुँदैछ ।