- अर्थ सरोकार सम्बाददाता
काठमाडौँ। मल्टीपर्पस फाइनान्सले मंसिर १९ गते २२ औं वार्षिक साधारणसभा बोलाएको छ । कम्पनीको उक्त सभा कम्पनीको केन्द्रिय कार्यालय राजविराज सप्तरीमा हुने भएको छ ।
सभामा सञ्चालक समितिको प्रतिवेदन उपर छलफल गरी पारित गर्ने, लेखापरिक्षक प्रतिवेदन सहित वासलात तथा नाफा नोक्सान हिसाब र सोहि सम्बन्धि नगद प्रवाह विवरण पारित गर्ने, लेखापरीक्षकको नियुक्ति गरी निजको पारिश्रमिक तोक्ने लगायतका प्रस्ताव पारित गर्नेछ ।
साधारण सभा प्रयोजनको लागि फाइनान्सले मंसिर ११ गते बुकक्लोज गर्ने जनाएको छ । त्यसकारण मंसिर १० गतेसम्म कायम शेयरधनी मात्र साधारण सभामा सहभागिता जनाउन सक्नेछन्।
