काठमाडौँ । साताको कारोबारको पहिलो दिन आइतबार सेयर बजार बढेको छ । बिहिबारको तुलनामा १२.४९ अंकले बढेर १६४८.५८ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९८ कम्पनीको १ करोड ८ लाख ६३ हजार ४५६ कित्ता सेयर खरिद बिक्री हुँदा ३ अर्व ५२ करोडमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २५ करोड ९२ लाखमाथिको कारोबार भएको छ । त्यसपछि कारोबार क्रमश : हिमालयन डिस्टिलरी र शिखर इन्स्योरेन्सको कारोबार भएको छ ।

यता आइतबारको कारोबारमा बैंकिङ्ग र विकास बैंक उपसुचक घटेका छन् भने बाँकी सबै उपसुचक बढेका छन् । सबैभन्दा धेरै हिमालयन डिस्टिलरी र साल्ट ट्रेडिङ्गका लगानीकर्ताले कमाएका छन् भने सबैभन्दा धेरै नेपाल फाइनान्स र सिभिल लघुवित्तका लगानीकर्ताले गुमाएका छन् ।