• अर्थ सरोकार सम्बाददाता 

काठमाडौँ । साताको कारोबारको दोस्रो दिन सोमबार नेप्से परिसूचक झिनो अंकले घटेको छ । आइतबारको तुलनामा बजार २.३८ अंकले घटेर १७८०.४३ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल १९९ कम्पनीको १ करोड २० लाख २१ हजार ३ सय ४७ कित्ता सेयर खरिद बिक्री हुँदा  ४ अर्ब ७६ करोड २७ लाखमाथिको कारोबार भएको छ । 

जसमा सबैभन्दा बढी कारोबार नेपाल बैंक लिमिटेडको भएको छ । यस कम्पनीको कुल ३० करोड २२ लाखमाथिको कारोबार भएको छ । त्यसपछि कारोबार क्रमश : नेपाल पुनर्बीमा कम्पनी र हिमालयन डिस्टिलरी कम्पनीको भएको छ । आज कारोबार भएका समूहमध्ये ४ वटा समूहबाहेक अन्य घटेका छन् । यस्तै आज सबैभन्दा धेरै हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी र हिमालयन डिस्टिलरीका लगानीकर्ताले कमाएका छन् ।