">
- अर्थ सरोकार सम्बाददाता
काठमाडौँ । साताको कारोबारको तेस्रो दिन मंगलबार नेप्से परिसूचक बढेको छ । सोमबारको तुलनामा बजार २९.६८ अंकले घटेर १८१०.११ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल १९६ कम्पनीको १ करोड १७ लाख ४८ हजार ५ सय २० कित्ता सेयर खरिद बिक्री हुँदा ५ अर्ब ४४ करोड २९ लाखमाथिको कारोबार भएको छ । नेप्से परिसूचक १८ सय माथि पुगेसंगै लगानीकर्ताहरु भने सेयर बजारले गति लिएको भन्दै खुशी भएका छन् ।
जसमा सबैभन्दा बढी कारोबार एनआईसी एसिया बैंक लिमिटेडको भएको छ । यस कम्पनीको कुल ३७ करोड ३३ लाखमाथिको कारोबार भएको छ । त्यसपछि कारोबार क्रमश : नेपाल दुरसंचार कम्पनी र नेपाल पुनर्बीमा कम्पनीको भएको छ । आज कारोबार भएका समूहमध्ये १ वटा समूहबाहेक अन्य सबै समूह बढेका छन् । यस्तै आज सबैभन्दा धेरै बोटलर्स नेपाल (तराई) र हिमालयन डिस्टिलरीका लगानीकर्ताले कमाएका छन् । साथै सोल्टी होटलका लगानीकर्ताले सबैभन्दा धेरै गुमाएका छन् ।
