• अर्थ सरोकार सम्बाददाता 

काठमाडौं । एनआइसी एसिया बैंकको बोनस सेयरमा मूल्य समायोजन भएको छ । बैंकको १९% बोनस सेयरमा  मूल्य समायोजन भएको हो । मूल्य समायोजन भएसंगै नेप्सेले बैंकको सेयर मूल्य ५८६ रुपैयाँ निर्धारण गरेको छ । सोहि मूल्यलाई आधार मानेर बुधबार बैंकको सेयर कारोबार खुलेको छ । 

नेप्सेले अघिल्लो कारोबार दिन मंगलबारको अन्तिम कारोबार मूल्य ६९७ रुपैयाँका आधारमा मूल्य समायोजन गरेको हो । बैंकले मंसिर २१ गते बस्ने साधारण सभाको लागि बुधबार मंसिर १० गते बुक क्लोज गरेको छ । जसअनुसार मंगलबार मंसिर ९ गतेसम्म कायम सेयरधनीले बैंक सञ्चालक समितिले प्रस्ताव गरेको उक्त लाभांश पाउनेछन् ।