• अर्थ सरोकार सम्बाददाता 

काठमाडौं । एनआरएन लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । लघुवित्तले १ करोड ८५ लाख ३५ हजार रुपैयाँ खुद नाफा कमाएको वित्तीय विवरण सार्वजनिक गरेको हो ।गत वर्षको सोहि अवधिमा संस्थाले १३ लाख ९३ हजार रुपैयाँ मात्रै कमाएको थियो ।

यस्तै संस्थाको खुद ब्याज आम्दानी यस वर्ष ७ करोड १९ लाख ३ हजार र सञ्चालन नाफा १ करोड १२ लाख ५९ हजार रुपैयाँ पुगेको छ । सार्वजनिक वित्तीय विवरण अनुसार खराब कर्जा १.५४% ले बढेर ३.२३% पुगेको छ । साथै प्रतिसेयर आम्दानी वार्षिक ४ रुपैयाँ ७२ पैसा र प्रतिसेयर नेटवर्थ १२२ रुपैयाँ ८४ पैसा रहेको छ ।