ठेकेदार भागेपछि अलपत्र परेको बेनी–जोमसोम–कोरला सडक आयोजनाअन्तर्गत म्याग्दीको बेनी नगरपालिका–९ र रघुगङ्गा गाउँपालिका–३ को सिमानास्थित राहुघाट नदीमाथि निर्माणाधीन मोटरेबल पुल ।
तनहुँको भानु नगरपालिका–२ फुस्रेटारस्थित सार्वजनिक धारामा पानी भर्नका लागि कुर्दै महिला । बेलुकाको समयमा मात्रै पानी आउने भएकाले धारा अगाडि गाग्री राखेर पालो कुर्नुपर्ने बाध्यता छ ।
नुवाकोटको ककनी गाँउपालिका–२ बन्चरेडाँडामा निर्माण भइरहेको काठमाडौँ उपत्यकाको फोहोर व्यपस्थापन केन्द्र । निर्माण कम्पनी सप्तकोशी जलाधारका अनुसार पहिलो चरणको निर्माण काम ८५ प्रतिशत सम्पन्न भएको छ ।
सुदूरपश्चिम प्रदेशका भूमि व्यवस्था, कृषि तथा सहकारीमन्त्री बिनिता चौधरी मङ्गलबार च्याउखेतीको अनुगमन गर्दै । च्याउखेती प्रदेश सरकारको अनुदानमा सञ्चालित गरिएको हो
तनहुँको घिरिङ गाउँपालिका–४ गड्यौलीटारमा धान र पराल छुट्याउन गोरुको सहायताले दाइँ हालिदै । गाउँघरमा यसरी नै दाइँ गर्ने परम्परा छ ।
धादिङस्थित त्रिशुलीको छालमा नदी पथप्रदर्शक कायकिङ्को मजा लिँदै । छालमा रमाउन पाउने हुँदा पर्यटक यहाँको जलयात्रामा आकर्षित हुन्छन् ।