• अर्थ सरोकार सम्बादाता

काठमाडौँ । प्रधानमन्त्री केपी शर्मा ओली र स्वास्थ्यमन्त्री भानुभक्त ढकालविरुद्ध सर्वोच्च अदालतमा ‘अदालतको अवहेलना’ निवेदन दर्ता भएको छ । सर्वोच्चले दिएको फैसला नमानेको भन्दै स्वास्थ्यमन्त्री भानुभक्त ढकाल र प्रधानमन्त्री खड्ग प्रसाद ओलीविरुद्ध अदालतमा ‘अदालतको अवहेलना’ मुद्धा परेको हो । अधिवक्ताहरु लोकेन्द्रबहादुर ओली र केशरजंग केसीले प्रधानमन्त्री ओली र स्वास्थ्यमन्त्री ढकालविरुद्ध अदालतको अवेहलनाको निवेदन दर्ता गरेका हुन् । निवेदनमा सर्वोच्च अदालतको फैसला उल्लंघन गरेकाले प्रधानमन्त्री र स्वास्थ्यमन्त्रीलाई एक वर्ष कैद र १० हजार रुपैंया जरिवाना हुनुपर्ने माग गरिएको छ ।