भन्न पाइन्छ ?

नेकपाभित्रकै एक नेता प्रचण्डले ब्रिफिङ गर्ने कार्यक्रममा जंगीदै थिए । ‘जे जसो गरे पनि पार्टी फुटाउने नै धम्की आएपछि अव मिलेर बस्नुको पनि के औचित्य भयो र ?’ उनले सो भेलामा प्रचण्डसहित अन्य नेतालाई भनेका थिए ।उनको मात्र होइन अन्य नेताको पनि बोली यहि थियो- ‘कति दिन सहने यस्तो रबैया ?’ 

तर ओलीले प्रचण्डले एक कदम चाले आफु १० कदम चाल्ने धम्की दिएपछि प्रचण्ड र माधव नेपालसहितको समूह झस्किएको छ । उनीहरु अझै पनि पर्ख र हेरको अवस्थामा छन् । यहि बेला आयो बिष्णु पौडेलको ट्वीट । जसलाई धेरैले पार्टी फुट्ने नम्र धम्कीको संज्ञा दिएका छन् । नेकपाभित्र मिलाउने नेताका रुपमा परिचित उनी आफैंले नै यसरी ट्वीट गरेपछि स्थिति केहि गम्भीर छ भन्ने तथ्य बुझ्न गाह्रो छैन ।  

यता प्रचण्डसहितका अन्य नेताहरु पनि ठुलै छलफलमा लागेका छन् । आफुलाई ओली समूहले हेपेको महसुस गरेका उनीहरुले पार्टी फुटाउने भए फुटाउँ ! वा केहि समय पर्खेर हेरौं भन्ने कुरालाई मुख्य विषयवस्तु बनाएर छलफल गरिरहेका छन् । तर प्रचण्ड निकट सबै नेताको उही स्वर छ- ‘प्रधानमन्त्री पावरमा रहुन्जेल जोगाउने र नभए फुटाउने भन्ने रणनीतिमा छन् । त्यसको लागि आवश्यक तयारी गर्न जरुरी छ । तर प्रचण्ड समूहकै कतिपय नेताहरुले भने तत्काल फुटको विकल्पमा जाँदा आफुहरुलाई नै घातक हुने भन्दै सुझाव दिएका छन् ।