• अर्थ सरोकार सम्बाददाता 

काठमाडौं । समृद्धि फाइनान्सले आर्थिक वर्ष २०७७/७८ को पहिलो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ४७ लाख ४५ हजार रुपैयाँ खुद नाफा कमाएको छ । गत वर्षको यसै अवधिमा भने कम्पनी १० लाख ११ हजार रुपैयाँ नोक्सानमा गएको थियो ।

यस्तै, खुद ब्याज आम्दानी ऋणात्मक रहे पनि सञ्चालन नाफामा वृद्धि भएको छ । अघिल्लो वर्ष १७ लाख ६४ हजार रुपैयाँ रहेको खुद ब्याज आम्दानी अहिले २७ लाख ३५ हजार रुपैयाँले ऋणात्मक छ । यता, सञ्चालन नाफा ३७ लाख ४० हजार रुपैयाँ रहेको छ । गत वर्ष यो फाइनान्स २२ लाख ३२ हजार रुपैयाँ सञ्चालन घाटामा रहेको थियो ।

असोजमसान्तसम्ममा संस्थाले २४ करोड ८५ लाख रुपैयाँ निक्षेप संकलन गरी ६ करोड ६७ लाख रुपैयाँ मात्र कर्जा लगानी गरेको छ । कर्जा निक्षेप अनुपात ५६.५% रहेको छ । खरिजर्भ कोषमा भने २१ करोड ९८ लाख ९८ हजार रुपैयाँ छ ।