- अर्थ सरोकार सम्बाददाता
काठमाडौं । समृद्धि फाइनान्सले भोलि बुधबारबाट १८ लाख ५१ हजार ३५७ कित्ता सेयर लिलामी बिक्री खुला गर्ने भएको छ । संस्थाले संस्थापक समूह र सर्वसाधारण समूहको गरि कुल १८ लाख ५१ हजार ३५७ कित्ता सेयर लिलामी बिक्री खुला गर्ने भएको हो । जसअनुसार संस्थापक समूहको १३ लाख ८५ हजार २६८ कित्ता र सर्वसाधारण समूहको ४ लाख ६६ हजार ८९ कित्ता सेयर रहेको छ ।
लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । सो लिलामीमा मंसिर १७ गतेसम्म आवेदन दिन पाइनेछ। लिलामी सेयर बिक्री प्रबन्धक बिओके क्यापिटल मार्केट कमलादी काठमाडौं तथा समृद्धि फाइनान्सको केन्द्रीय कार्यालय, हेटौँडा, पुतलीसडक र बुटवल शाखा कार्यालयबाट आवेदन सकिनेछ ।
यस्तै बैंक अफ काठमान्डूको विराटनगर, विर्तामोड, जनकपुर, वीरगञ्ज, नारायणघाट, पोखरा, बुटवल, बाग्लुङ, घोराही, नेपालगञ्ज, धनगढी र सुर्खेत शाखा कार्यालयबाट पनि आवेदन दिन सकिनेछ । त्यसैगरी ज्योती विकास बैंकको महेन्द्रनगर कञ्चनपुर शाखाबाट पनि आवेदन दिन सकिनेछ ।
