• अर्थ सरोकार सम्बाददाता

काठमाडौं । साना किसान विकास लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । संस्थाले १४ करोड रुपैयाँ खुद नाफा कमाएको वित्तीय विवरण सार्वजनिक गरेको हो । संस्थाको नाफा अघिल्लो वर्षको भन्दा १.६३% ले धेरै हो । अघिल्लो वर्ष यसले १३ करोड ७७ लाख रुपैयाँ नाफा कमाएको थियो । 

हाल यस संथाको चुक्ता पुँजी १ अर्ब २ लाख २९ हजार रुपैयाँ रहेको छ भने रिजर्भ कोषमा २ अर्ब १० करोड रुपैयाँ रहेको छ । साथै यस अवधिमा संस्थाको प्रतिसेयर आम्दानी ५६ रुपैयाँ रहेको छ भने प्रतिसेयर नेटवर्थ ३१० रुपैयाँ ८२ पैसा छ । संस्थाको कम्पनीको खुद ब्याज आम्दानी पनि १५.९५% ले बढेर २६ करोड ७४ लाख रुपैयाँ पुगेको छ । यता कम्पनीको सञ्चालन नाफा १८ करोड ९ लाख रुपैयाँ रहेको छ ।