- अर्थ सरोकार सम्बाददाता
काठमाडौं । सानिमा बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । बैंकले नाफा ३७.१२% ले घटेर ३७ करोड ३२ लाख ५५ हजार रुपैयाँ मात्रै कमाएको वित्तीय विवरण सार्वजनिक गरेको हो । गत वर्ष सोही अवधिमा बैंकले ५९ करोड ३६ लाख १ हजार रुपैयाँ नाफा कमाएको थियो ।
यो अवधिसम्म आउँदा बैंकको खुद ब्याज आम्दानी र सञ्चालन नाफा पनि क्रमशः १४.७०% र ३६.०४% ले घटेको छ । जसको असर खुद नाफामा परेको छ । बैंकको वितरण योग्य नाफा पनि १० करोड २३ लाख ४ हजार रुपैयाँ ऋणात्मक छ । सार्वजनिक वित्तीय विवरण अनुसार बैंकको खराब कर्जा पनि ०.१६% ले बढेर ०.४०% पुगेको छ । बैंकको प्रतिसेयर आम्दानी १६ रुपैयाँ ६४ पैसा र प्रतिसेयर नेटवर्थ १४९ रुपैयाँ ९१ पैसा रहेको छ ।
