• अर्थ सरोकार सम्बाददाता 

सर्लाही । प्रहरीले सर्लाहीबाट जुवा खेलिरहेको अवस्थामा ६ जना पक्राउ गरेको छ । प्रहरी टोलीले बरथवा नगरपालिका–६ का शम्भु सिंहको घरमा जुवा खेलिरहेको भन्ने सूचनाका आधारमा उनीहरुलाई पक्राउ गरेको हो । 

इलाका प्रहरी कार्यालय बरहथवाका प्रहरी प्रमुख प्रहरी नायब उपरीक्षक उद्धवसिंह भाटका अनुसार घरधनि सिंह पनि पक्राउ परेका छन् । पक्राउ पर्नेमा उनिसहित बरथवा नगरपालिका–६ का रामप्रमोद महतो, बरथवा नगरपालिका–५ का महमदहसन कवारी, बरथवा नगरपालिका–७ का गोविन्द साह (दिनेश), रामानन्द दास र बरथवा नगरपालिका–१६ का मनोज राय छन् । 

उनीहरुको साथबाट प्रहरीले ६० हजार ९९५ नेपाली र भारु पाँच हजार दुई सय रुपैयाँ बरामद भएको छ । सबैलाई हिरासतमा राखेर थप अनुसन्धान भइरहेको प्रहरीले जनाएको छ।