• अर्थ सरोकार सम्बाददाता 

काठमाडौँ । नेपाल धितोपत्र बोर्डले प्रभु लाइफ इन्स्योरेन्सलाई आईपीओ जारी गर्न अनुमति दिएको छ । बोर्डले कम्पनीलाई ६० करोड रुपैयाँ बराबरको ६० लाख कित्ता आईपिओ जारी गर्न अनुमति दिएको हो । कम्पनीले सेयर निष्काशन माग गर्दै गत असोज २१ गते बोर्डमा आवेदन दिएको थियो । 

कम्पनीले सिद्धार्थ क्यापिटल लिमिटेडलाई सेयर निष्काशन तथा बिक्री प्रबन्धक नियुक्त गरिसकेको छ । यस्तै रेटिङ कम्पनी इक्राले इन्स्योरेन्सको आईपीओलाई इक्रा एनपी आईपीओ ग्रेड ४ रेटिङ प्रदान गरेको हो । ग्रेड ४ रेटिङले कम्पनीको आधारभुत पक्ष औषतभन्दा तल रहेको देखाउँछ । हाल कम्पनीको चुक्ता पूँजी १ अर्ब ४० करोड रुपैयाँ रहेको छ । ६० लाख कित्ता आईपीओ निष्काशन गरी बाँडफाँडपछि कम्पनीको चुक्ता पूँजी २ अर्ब रुपैयाँ पुग्नेछ ।