- अर्थ सरोकार सम्बाददाता
काठमाडौं । सिद्धार्थ बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । बैंकले ५० करोड रुपैयाँ खुद नाफा कमाएको वित्तीय विवरण सार्वजनिक गरेको हो । बैंकको यो नाफा अघिल्लो वर्षको भन्दा ३.९८% ले थोरै हो । अघिल्लो वर्ष यस बैंकले ५२ करोड १४ लाख रुपैयाँ खुद नाफा कमाएको थियो ।
बैंकको वितरण योग्य नाफा पनि ४८ करोड ६२ लाख रुपैयाँ ऋणात्मक रहेको वित्तीय विवरणमा उल्लेख छ । यस्तै बैंकको खुद ब्याज आम्दानी र सञ्चालन नाफा क्रमशः ६.१५% र २.७५% ले घटेको छ । जसको प्रभाव खुद नाफामा देखिन्छ ।
हाल यस बैंकको चुक्ता पुँजी ९ अर्ब ७८ करोड रुपैयाँ रहेको छ भने रिजर्भ कोषमा ५ अर्ब ६६ करोड रुपैयाँ छ । अहिलेसम्म आउँदा बैंकको प्रतिसेयर आम्दानी २ रुपैयाँ ९६ पैसाले घटेर २० रुपैयाँ ०७ पैसामा झरेको छ भने प्रतिसेयर नेटवर्थ १७५ रुपैयाँ ६३ पैसा रहेको छ ।
