- अर्थ सरोकार सम्बाददाता
काठमाडौं । सिद्धार्थ इन्स्योरेन्सले पनि चालु आर्थिक वर्षको पहिलो त्रैमासको वित्तीय विवरण प्रकाशित गरेको छ । कम्पनीले ५ करोड ७ लाख १८ हजार रुपैयाँ खुद नाफा कमाएको वित्तीय विवरण प्रकाशित गरेको हो । कम्पनीको यो नाफा गत वर्षको तुलनामा ५.७७% ले धेरै हो । गत वर्ष यसै अवधिमा कम्पनीले ४ करोड ७९ लाख ५१ हजार रुपैयाँ नाफा कमाएको थियो ।
रिजर्भ कोषमा ३४ करोड ५१ हजार रुपैयाँ रहेको यस कम्पनीले २५ करोड ११ लाख ९९ हजार रुपैयाँ खुद बिमा शुल्क आर्जन गरेको छ । यस्तै कम्पनीको बिमा कोषको आकार भने ६८ करोड ८५ लाख रुपैयाँबाट बढेर ८५ करोड ९२ लाख रुपैयाँ पुगेको छ । कम्पनीले असोजसम्म २५ करोड ५६ लाख रुपैयाँ कुल दाबी भुक्तानी गरेको छ भने दाबी भुक्तानी हुन बाँकी रकम ९८ करोड ९० लाख रुपैयाँ छ । हाल यस कम्पनीको चुक्ता पुँजी १ अर्ब रुपैयाँ रहेको छ ।
