- अर्थ सरोकार सम्बाददाता
काठमाडौँ । सुर्या लाइफ इन्स्योरेन्सका प्रमुख कार्यकारी अधिकृत (सीइओ) शिवनाथ पाण्डेले पदबाट राजीनामा दिएका छन् । उनले सोमबार मंसिर १ देखि लागु हुने गरी संचालक समितिमा राजीनामा पत्र बुझाएका हुन् । ३ महिना कार्यकाल बाँकी रहेका उनले व्यक्तिगत कारण देखाएर राजीनामा दिएको बताइएको छ ।
उनी जीवन बीमा कम्पनीहरुको छाता संगठनका अध्यक्ष पनि हुन् । नेपाल राष्ट्र बैंकको कार्यकारी निर्देशकबाट अवकास पाएका चार्टर्ड एकाउन्टेन्ट पाण्डे २०७३ फागुनमा सुर्या लाइफ इन्स्योरेन्सको सीइओ पदमा नियुक्त भएका थिए । यसअघि नेपाल लाइफ इन्स्योरेन्समा प्रमुख कार्यकारी अधिकृत रहेका विवेक झा अब सूर्या लाइफ इन्स्योरेन्सको नयाँ प्रमुख कार्यकारी अधिकृत भएर जाने बताइएको छ ।
