">
- अर्थ सरोकार सम्बाददाता
काठमाडौं । बोटलर्स नेपाल (बालाजु) को वार्षिक साधारणसभा पुस २२ गते हुने भएको छ । सभा कम्पनीको रजिष्टर्ड कार्यालय बालाजु काठमाडौंमा दिउँसो २ बजेबाट हुने भएको हो । सभामा कम्पनीले गत आर्थिक वर्षको आय विवरण, नाफा नोक्सान हिसाब तथा नगद प्रवाह विवरणसहितको आर्थिक प्रतिवेदनमा छलफल गर्ने विशेष प्रस्ताव लैजाने भएको छ । साधारणसभाका लागि कम्पनीले पुस ८ गतेदेखि २२ गतेसम्म बुक क्लोज गर्ने भएको छ । पुस ७ गतेसम्म कायम सेयरधनी सभामा भाग लिन सक्नेछन् ।
यता बोटलर्स नेपाल (तराई) को वार्षिक साधारणसभा भने पुस २३ गते हुने छ । सभामा कम्पनीले गत आर्थिक वर्षको आय विवरण, नाफा नोक्सान हिसाब तथा नगद प्रवाह विवरणसहितको आर्थिक प्रतिवेदनमा छलफल गर्ने विशेष प्रस्ताव लैजाने भएको छ । यस संस्थाले सभा गर्नका लागि पुस ९ गतेदेखि २३ गतेसम्म बुक क्लोज गरेको छ । जसअनुसार पुस ८ गतेसम्म कायम सेयरधनी सभामा सहभागी हुनसक्नेछन् ।
