• अर्थ सरोकार सम्बाददाता 

काठमाडौं । भक्तपुरमा रहेको एक कुखुरा फर्ममा आगलागी भएको छ । चाँगुनारायण नगरपालिका–८ जितपुरमा दीपक गिरीले सञ्चालन गरेको कुखुरा फर्ममा आगलागी भएको हो । सो आगलागीबाट सबै टहरा नष्ट भई प्यारेज जातका करिव २ हजार ७०० कुखुरा जलेका छन् भने करिब १५ लाखको क्षति भएको गिरीले बताए ।

आगो गहुँको छ्वालीले छाएको टहरोमा भुसे चुलोबाट आगो सल्किएको थियो । महानगरीय प्रहरी प्रभाग सुडालको टोलीले स्थानीयको सहयोगमा आगो नियन्त्रणमा लिइसकेको छ ।