• अर्थ सरोकार सम्बाददाता

काठमाडौं । नेपाल इन्फ्रास्ट्रक्चर बैंकको निमित्त प्रमुखको जिम्मा चार्टड एकाउन्टेन्ट भूपेन्द्र पाण्डेले पाएका छन् । प्रमुख कार्यकारी अधिकृत अनिल ज्ञवालीको कार्यकाल सकिएपछि बैंक सञ्चालक समितिले तत्कालका लागि पाण्डेलाई कार्यकारी प्रमुखको जिम्मेवारी दिएको हो ।

भारतीय बोर्ड आइसीएआइबाट सिए उत्तीर्ण गरेका पाण्डे दुई वर्षअघि राष्ट्रिय वाणिज्य बैंकको नायब प्रमुख कार्यकारी अधिकृतबाट राजीनामा दिएर इन्फ्राष्ट्रक्चर डेभलपमेन्ट बैंकमा नायव प्रमुख कार्यकारी अधिकृत बनेका थिए । उनले शंकरदेव क्याम्पसबाट बिजनेश स्टडिजमा माष्टर्स डिग्रीसमेत हासिल गरेका छन् ।