- अर्थ सरोकार सम्बाददाता
काठमाडौं । घरेलु लघुवित्त वित्तीय संस्थाले समता लघुवित्त वित्तीय संस्थालाई गाभ्ने प्रस्ताव पारित भएको छ । पुस १४ गते सम्पन्न कम्पनीको दोश्रो वार्षिक साधारणसभाले सञ्चालक समितिको उक्त प्रस्तावलाई पारित गरेको हो ।
काभ्रेको बनेपामा केन्द्रीय कार्यालय रहेको घरेलु लघुवित्तको साधारणसभा काभ्रेको बनेपा स्थित पन्चकन्या बैंन्क्वेटमा सम्पन्न भएको हो । राष्ट्रिय स्तरको यस संस्थाले १० जिल्ला कार्यक्षेत्र रहेको समता लघुवित्तलाई गाभ्न लागेको हो । घरेलु लघुवित्तले १३ शाखा कार्यालयहरु स्थापना गरी विगत २ वर्षदेखि लघुवित्त सेवा प्रदान गर्दै आईरहेको छ ।
यस संस्थाले २०७७ मंसिर मसान्तसम्ममा ७ हजार ३ सय घर परिवारहरुमा सेवा विस्तार गर्दै ५९ करोड रुपैयाँ भन्दा बढी लगानी गरी लगानीमा रहिरहेको रकम ३० करोड ५९ लाख रुपैयाँ रहेको छ ।
