• अर्थ सरोकार सम्बाददाता 

काठमाडौं । साताको कारोबारको चौंथो दिन बुधबार पनि सुनको बढेको छ । मंगलबार प्रतितोला ९० हजार ५ सय रुपैयाँमा कारोबार भइरहेको छापावाला सुन आज पनि ५ सयले बढेर प्रतितोला ९१ हजार रुपैयाँमा कारोबार भइरहेको छ ।

यता चाँदीको मूल्य भने ३० रुपैयाँले बढेर प्रतितोला एक हजार १ सय ८५ रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम सुनको मूल्य ७८ हजार २० रुपैयाँ तोकेको छ भने प्रति १० ग्राम चाँदीको मूल्य १ हजार ६० रुपैयाँ कायम गरेको छ ।