- अर्थ सरोकार सम्बाददाता
काठमाडौं । नेशनल लाइफ इन्स्योरेन्स कम्पनीको प्रस्तावित लाभांश परिवर्तन भएको छ । कम्पनीको साउन ३० गतेको सञ्चालक समितिले प्रस्ताव गरेको १५ प्रतिशत नगद र २ दशमलव ५ प्रतिशत बोनस सेयर परिवर्तन भएको हो ।बीमा समितिले दिएको निर्देशन बमोजिम कम्पनीको संचालक समितिले बुधबार एक निर्णय गर्दै आफ्ना लगानीकर्तालाई १० प्रतिशत बोनस सेयर मात्र वितरण गर्ने निर्णय गरेको हो ।
साथै बोनस सेयरमा लाग्ने कर रकम बापत ०.५३ प्रतिशत नगद लाभांश गरी कुल १०.५३ प्रतिशत लाभांश वितरण गर्ने भएको हो । उक्त लाभांशलाई नियामक निकाय बीमा समितिको स्वीकृति पश्चात कम्पनीको आगामी दिनमा हुने साधारणसभाबाट पारित गराएर वितरण गर्ने भएको छ ।
