• अर्थ सरोकार सम्बाददाता 

काठमाडौं । आज बुधबार ८ संस्थाको लाभांश सुरक्षित गर्ने अन्तिम दिन रहेको छ । नेपाल बैंक, कामना सेवा विकास बैंक र शाइन रेसुंगा डेभलपमेन्ट बैंक, साना किसान लघुवित्त साधना लघुवित्त, एनएमबि बैंक, सेन्चुरी बैंक र वरुण हाइड्रोपावरको सुरक्षित गर्ने अन्तिम दिन हो । यी संस्थाकोहरुको लाभांश पाउन आजसम्म सेयर किन्नु पर्नेछ ।

नेपाल बैंकले पुस २९ गते बस्ने वार्षिक साधारण सभामा १२% बोनस सेयर र ४% नगद गरी कुल १६% लाभांश वितरण गर्ने प्रस्ताव पेश गर्दैछ । जसका लागि बिहीबार (पुस १६ गते) बुक क्लोज हुने भएकाले बुधबारसम्म कायम सेयरधनीले मात्र लाभांश सुरक्षित गर्न सक्नेछन् ।

कामना सेवा विकास बैंकले गत आर्थिक वर्षको नाफाबाट ४.४०% बोनस सेयर र कर प्रयोजनको लागि ०.२३% नगद लाभांश वितरण गर्न लागेको हो । पुस २९ गते हुने वार्षिक साधारण सभा प्रयोजनको लागि पुस १६ गते (बिहीबार) बाट सभा हुने दिनसम्म बुक क्लोज गर्दैछन् । जसअनुसार पुस १५ गतेसम्म सेयर खरिद गर्ने लगानीकर्ताले उक्त प्रस्तावित लाभांश पाउनेछन् । 

शाइन रेसुंगा डेभलपमेन्ट बैंकले गत वर्षको नाफाबाट १३% बोनस सेयर वितरण गर्दैछ । पुस २९ गते हुने वार्षिक साधारण सभा प्रयोजनको लागि पुस १६ गते (बिहीबार) बाट सभा हुने दिनसम्म बुक क्लोज गर्दैछन् । जसअनुसार पुस १५ गतेसम्म सेयर खरिद गर्ने लगानीकर्ताले उक्त प्रस्तावित लाभांश पाउनेछन् । 

साना किसान लघुवित्त वित्तीय संस्थाको पनि २६.३१५% लाभांश सुरक्षित गर्ने आज अन्तिम दिन हो । पुस २८ गते साधारण सभा बोलाएको कम्पनीले बिहीबार (पुस १६ गते) बाट सभा हुने दिनसम्म बुक क्लोज गर्दैछ । यसर्थ, आज (पुस १५ गते) सम्म कायम सेयरधनीले कम्पनीले वितरण गर्ने लाभांश सुरक्षित गर्न सक्नेछन् । 

साधना लघुवित्त वित्तीय संस्थाको १८.९४७% लाभांश सुरक्षित गर्ने आज अन्तिम दिन हो । पुस २९ गते साधारणसभा बोलाएको कम्पनीले बिहीबारबाट सभा हुने दिनसम्म बुक क्लोज गर्दैछ । जसअनुसार आजसम्म कायम सेयरधनीले कम्पनीले वितरण गर्ने लाभांश सुरक्षित गर्न सक्नेछन् । साधनाले गत वर्षको नाफाबाट १८% बोनस सेयर र कर तिर्नका लागि ०.९४७% नगद लाभांश वितरण गर्दैछ । 

एनएमबि बैंकको १६.२०% लाभांश सुरक्षित गर्ने आज अन्तिम दिन हो । पुस २९ गते साधारणसभा बोलाएको बैंकले बिहीबारबाट सभा हुने दिनसम्म बुक क्लोज गर्दैछ । जसअनुसार आजसम्म कायम सेयरधनीले बैंकले वितरण गर्ने लाभांश सुरक्षित गर्न सक्नेछन् । 

सेन्चुरी बैंकको ७.५०% लाभांश सुरक्षित गर्ने आज अन्तिम दिन हो । पुस २९ गते साधारणसभा बोलाएको बैंकले बिहीबारबाट सभा हुने दिनसम्म बुक क्लोज गर्दैछ । जसअनुसार आजसम्म कायम सेयरधनीले बैंकले वितरण गर्ने लाभांश सुरक्षित गर्न सक्नेछन् । 

वरुण हाइड्रोपावरको ५.२६३%% लाभांश सुरक्षित गर्ने आज अन्तिम दिन हो । पुस २६ गते वार्षिक साधारणसभा बोलाएको कम्पनीले बिहीबारबुक क्लोज गर्दैछ । जसअनुसार आजसम्म कायम सेयरधनीले कम्पनीले वितरण गर्ने लाभांश सुरक्षित गर्न सक्नेछन् ।