• अर्थ सरोकार सम्बाददाता 

काठमाडौँ । साताको कारोबारको चौंथो दिन बुधबार पनि सेयर बजार घटेको छ । मंगलबारको तुलनामा बजार ३९.६० अंकले घटेर १९५५.७५बिन्दुमा कायम भएको छ । नेपाल स्टक एक्सचेन्ज (नेप्से) का अनुसार यस अवधिमा २०१ कम्पनीको १ करोड ८ लाख २१ हजार ९७२ कित्ता सेयर खरिद बिक्री हुँदा ४ अर्ब ७४ करोड ५६ लाखमाथिको कारोबार भएको छ । 

आज सबैभन्दा बढी कारोबार नेपाल पुनर्बीमा कम्पनीको भएको छ । यस कम्पनीको ४२ करोड ४२ लाखमाथिको कारोबार भएको छ । त्यसपछि कारोबार क्रमश : अपर तामाकोशी र अरुण काबेली हाइड्रोपावरको भएको छ । आज हाइड्रोपावर समूहबाहेकका अन्य सबै समूह घटेका छन् । यस्तै आज सबैभन्दा धेरै नारायणी डेभलपमेन्ट बैंक लगानीकर्ताहरुले कमाएका छन् भने हिमालयन उर्जा विकास कम्पनीका लगानीकर्ताले सबैभन्दा धेरै गुमाएका छन् ।