• अर्थ सरोकार सम्बाददाता 

काठमाडौँ । साताको कारोबारको तेस्रो दिन मंगलबार नेप्से परिसूचक बढेको छ । सोमबारको तुलनामा आज बजार ३.३५ अंकले बढेर २०००.४० विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल १९७ कम्पनीको १ करोड ८५ लाख ७६ हजार ७ सय ८ कित्ता सेयर खरिद बिक्री हुँदा ७ अर्ब ४० करोड ४१ लाखमाथिको कारोबार भएको छ । 

आज सबैभन्दा बढी कारोबार नेपाल पुनर्बीमा कम्पनीको भएको छ । यस कम्पनीको कुल ६५ करोड ७९ लाखमाथिको कारोबार भएको छ । त्यसपछि कारोबार क्रमश : नेपाल दुरसंचार कम्प र नेपाल लाइफ इन्स्योरेन्सको भएको छ । कारोबारमा आएका ५ समूह  बढेका छन् भने अन्य सबै समूह घटेका छन् । यस्तै आज सबैभन्दा धेरै नेपाल पुनर्बीमा कम्पनी, रसुवागढी हाइड्रोपावर र अपर तामाकोशीका लगानीकर्ताहरुले कमाएका छन् । साथै एभरेष्ट इन्स्योरेन्सको प्रमोटर सेयरका लगानीकर्ताले सबैभन्दा धेरै गुमाएका छन् ।