">
- अर्थ सरोकार सम्बाददाता
काठमाडौँ । एनआइसी एसिया बैंकले आफ्नो स्वामित्वमा रहेका २ वटा कम्पनीको संस्थापक सेयर आज बिहीबारदेखि लिलामीमा बिक्री खुला गरेको छ । बैंकले नागरिक लगानी कोषको २ लाख २ हजार ५६० र नेसनल इन्स्योरेन्सको १ लाख २५ हजार ७२६ कित्ता संस्थापक सेयर आजदेखि लिलामीमा ल्याएको हो ।
लगानीकर्ताले नागरिक लगानी कोषको सेयरमा न्यूनतम २३ सय ६२ रुपैयाँ र नेसनलको सेयरमा न्यूनतम ५०५ रुपैयाँ भाउ राखेर आवेदन दिन सक्नेछन् । उक्त लिलामीमा पुस १ गतेसम्म बोलपत्र पेश गर्न सकिनेछ । एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट सो लिलामीमा आवेदन दिन सकिनेछ ।
