प्रहरीले लासको मुचुल्का उठाउँदै गर्दा उनको खल्तीमा सुसाइड नोट भेटियो । जसमा उनले आफुले प्रेममा धोका पाएको लेखेका थिए । ‘चोखो माया गर्नेहरु कहिले सफल नहुने रहेछन्’ भनेर लेखिएको उक्त नोट उप्रेती नियाल्दै थिए, तर प्रहरीले उक्त नोटलाई आफुसँग राखिहाले । सिन्धुलीकमलामाइ नगरपालिका–१४ रानिबाँस घर भएका धिरज न्यौपानेले महेन्द्रनगर शाखामा झुण्डीए । जसका कारण अव चौधरीले आफ्नो प्यारो साथी धिरजलाई भेट्न पाउने छैनन् भने सो कार्यालयमा बस्न पनि उनी लगायत सबैलाई गाह्रो हुने भएको छ । घटनाको भोलिपल्टदेखि नै बैंकको कार्यालय खोलिएको छ । तर ग्राहकहरु स-साना बालकहरु बोकेर बैंक जान डराएका छन् । बैंकका ब्रान्च मेनेजर घटनाबारे केहि बोल्न नमान्नुले घटना कतै रहस्यमय त छैन ? भन्ने शंका उब्जाएको छ । यद्यपी प्रहरीले मृतकलाई कतै पनि चोट नलागेकाले सो घटना आत्महत्या नै हो भन्ने निष्कर्ष रहेको बताएको छ । 

धिरज कसैलाई प्रेम गर्थे । तर उनले प्रेममा धोका पाए । प्रेममा धोका पाएपछि उनी झन्डै डिप्रेसनको सिकार भएका थिए । केहि साथीभाइहरुलाई भनेका थिए, ‘तनावमा छु । बैंकको कामको तनाव त छँदै छ, उनको पनि ठुलो तनाव छ ।’ साथीहरुलाई भन्ने गर्थे उनी साच्चै उनीविना म बाँच्न सक्दिन होला… यो जागिर, यो कमाइ, आखिर उनकै लागि थियो, उनीनै नरहेपछि बाँच्नुको अर्थ देखेको छैन । उनी केहि समययता टोहोलो भएका थिए । बैंकको काममा पनि घरीघरी के के बिगारिरहेका हुन्थे । काममा ध्यान थिएन उनको । एउटा चिज ल्याउ भन्यो अर्को काम गरेर आउंथे । बैंकको व्यस्त दैनिकीका कारण पियनलाई कसैले पनि के भयो भनेर सोध्ने अवस्था भएन ।  केहि दिन यता उनी साच्चै निराश देखिन्थे । उनका नजिकका एक साथीका अनुसार उनकी प्रेमिका पनि कुनै बैंकमा काम गर्छिन् । यद्यपी प्रहरीले यस विषयमा थप अनुसन्धान भइरहेकाले अहिले केहि बोल्न नमिल्ने बताएको छ । तर उनका नजिकका साथीका अनुसार उनलाई केहि न केहि मेसेज लेखिरहेका हुन्थे धिरज । फोन गरिरहेका हुन्थे ।