">
- अर्थ सरोकार सम्बाददाता
काठमाडौं । साधना लघुवित्त वित्तीय संस्थाको २०% लाभांश संशोधन भएको छ । संस्थाको २०% लाभांश संशोधन भएसंगै अब सेयरधनीले १८% बोनस सेयर र बोनसमा लग्ने कर तिर्न ०.९४७% नगद लाभांश पाउने भएका छन् । यस अघि कम्पनीले २०% लाभांश दिने घोषणा गरेको थियो । तर नियामक नेपाल राष्ट्र बैंकको निर्देशनपछि लाभांशमा संशोधन भएको हो ।
कम्पनीले लाभांश पारित गर्न पुस २९ गते वार्षिक साधारणसभा पनि बोलाएको छ । सभा होटल गोरखा बिसौनी, गोरखामा बिहान ११ः४५ बजे सुरु हुनेछ । सभा प्रयोजनका लागि साधनाले पुस १६ देखि २९ गतेसम्म बुक क्लोज गर्नेछ । पुस १५ गतेसम्म कायम रहने सेयरधनीले मात्र लाभांश पाउनेछन् ।
