• अर्थ सरोकार सम्बाददाता 

कैलाली । नेपाल फोटो पत्रकार महासंघ कैलालीको सदस्यमा सुदर्शन श्रेष्ठ र समीर भट्ट मनोनित भएका छन् । शनिबार गोदावरीमा बसेको महासंघको बैठकले श्रेष्ठ र भट्टलाई सदस्यमा मनोनित गरेको हो ।

श्रेष्ठ अर्थ सरोकार डटकमको सुदूरपश्चिम ब्युरो संयोजक हुन् भने भट्ट अर्थ सरोकार सुदूरपश्चिम ब्युरोमा फोटो पत्रकारका रुपमा कार्यरत छन् । यस्तै सो बैठकले कोषाध्यक्षमा केशव सिहं धामी र सह कोषाध्यक्षमा पबित्रा ढकाललाई नियुक्त गरेको छ । साथै महासंघले सदस्यहरुलाई तालिम दिनेसमेत निर्णय गरेको छ ।