• अर्थ सरोकार सम्बाददाता 

काठमाडौं । सनराइज बैंकको संचालक समितिमा पुन विवाद सिर्जना भएको छ । देशमा नेकपा भित्र विवाद भइरहेका बेला सनराइज बैंकमा पनि विवादै विवाद सिर्जना भएको हो । बैंकका संचालक बच्छराज तातेडका कारण बैंकको संचालक समितिमा भाँडभैलो सुरु भएको हो ।

बैंकमा भाँडभैलो सुरु भएसँगै संचालक समितिलाई राष्ट्र बैंकले छलफलका लागि बोलाएको छ । बोर्डमा विवाद देखिएकाले सोधपुछ गर्न बोलाएको नेपाल राष्ट्र बैंकका नियमन विभागका कार्यकारी निर्देशक देवकुमार ढकालले जानकारी दिए । 

गत साउनको ११ गते पनि बैंक संचालक समितिलाई राष्ट्र बैंककले बोलाएर सम्झाएर पठाएको थियो । यता बैंकका सीइओ जनक शर्मा पौड्याल भने प्रधानमन्त्री केपी शर्मा ओलीको शैलीमा देखिएका छन् भने संचालकहरुका गुटैगुट बनेका छन् ।