- अर्थ सरोकार सम्बाददाता
काठमाडौं । कोरियन भाषा परीक्षा ईपीएसमा नक्कली परीक्षार्थी बन्ने एक जना पक्राउ परेका छन् । महानगरीय अपराध महाशाखाले सुनसरी घर भइ हाल काठमाडौंको कालोपुल बस्ने ५१ वर्षीय उत्तममान लिम्बुलाई पक्राउ गरेको हो ।
लिम्बूले बागबजारमा सेनसेग कन्सलट्यासी सञ्चालन गर्दै आएको खुलेको छ । कोरियन भाषा प्रशिक्षकको रूपमा काम गर्दै आएका उनले ईपीएस परीक्षामा सहभागी हुन आएका व्यक्तिहरूको प्रवेशपत्रमा आफ्नो फोटो टाँसी परीक्षा दिने गरेका छन् । लिम्बूले उत्तीर्ण भएका विद्यार्थीबाट प्रतिव्यक्ति ७ लाख रुपैयाँसम्म लिने गरेको महानगरीय अपराध महाशाखाका प्रमुख दीपक थापाले बताए ।
