×

Live on

रेडियो अर्थ सरोकार

Listen to live radio.

हालसम्मकै ठूलो परिणामको लागूऔषध खैरो हिरोईन कारोबार गर्ने गिरोह प्रहरीको फन्दामा (भिडियो रिपोर्ट)

GLOBAL IME BANK
KAMANA SEWA BIKAS BANK

हालसम्मकै ठूलो परिणामको लागूऔषध खैरो हिरोईन कारोबार गर्ने गिरोह प्रहरीको फन्दामा (भिडियो रिपोर्ट)

८ माघ २०७७, बिहीबार

पढ्न लाग्ने समय: १ मिनेटभन्दा कम

  • अर्थ सरोकार मल्टिमिडिया ब्युरो 
काठमाडौँ । काठमाडौं उपत्यकाभित्र लागु औषध,खैरो हिरोईनको कारोबार गर्ने जालो प्रहरीको फन्दामा परेको छ । लागु औषध नियन्त्रण व्यूरोले काठमाडौं उपत्यकाभित्र लागु औषध खैरो हिरोईनको कारोबार गर्ने जालोलाई पक्राउ गरेको हो । लागु औषध खैरो हिरोईनसहित ९ जना पक्राउ परेका हुन् । उनीहरुबाट ब्यूरोले ५ सय ३६ दशमलव पाँच ग्राम खैरो बरामद गरेको छ । यो परिमाण प्रहरिले बरामद गरेको हालसम्मै धेरै हो । 
ब्यूरोले उनीहरुको साथबाट ७ दशमलव ५ ग्राम एमफेटाइमन आइस ड्रग र लागु औषधी तौल गर्ने मेसिन पनि बरामद गरेको छ । यस्तै, ६ लाख ७१ हजार ५ सय रुपैयाँ नगद, ६ हजार १ सय अमेरिकन डलर र ३ थान सवारी साधन समेत बरामद गरेको छ । ब्यूरोका प्रमुख एसएसपी दिलिप कुमार चौधरीले विशेष सूचनाको आधारमा उनीहरुलाई पक्राउ गरेको जानकारी दिदैं काठमाडौं उपत्यकाभित्र कारोबार गर्ने अन्य व्यक्तिहरुको समेत खोजि भइरहेको जानकारी दिनुभयो ।
लागु औषध नियन्त्रण व्यूरोले पक्राउ परेको नौ जनालाई नै बुधबार सार्वजनिक गरेको हो । ब्यूरोको अनुसार पक्राउ परेका व्यक्तिहरुले लागु औषध खैरो हिरोईन प्रति १ ग्राम ३ हजार देखि १० हजरसम्ममा बिक्रि वितरण गरेको अनुसन्धानमा देखिएको पनि जानकारी दिएको छ । हेर्नुहोस् भिडियो :

प्रतिक्रिया दिनुहोस्

सिफारिस: