×

Live on

रेडियो अर्थ सरोकार

Listen to live radio.

आफ्नो खातामा रहेको पैसा लिन लाश बैंकमा पुगेपछी…

GLOBAL IME BANK
KAMANA SEWA BIKAS BANK

आफ्नो खातामा रहेको पैसा लिन लाश बैंकमा पुगेपछी…

२३ पुष २०७७, बिहीबार

पढ्न लाग्ने समय: १ मिनेटभन्दा कम

काठमाडौं । भारतको बिहार राज्यको पटनामा एक बैंकमा आफ्नो खातामा भएको रकम झिक्न एउटा लाश पुग्यो । बैंकमा मानिसको लाश पुगेपछि लाशलाई  देखेर बैंकका कर्मचारीहरु तर्सिए र उनीहरुको सातोसमेत गयो । पटनाछेउको शाहजहाँपुर थाना क्षेत्रको सिगरियावांमा केनरा बैंकको शाखामा लाश पैसा लिन पुगेको हो । सोहि स्थानमा बस्ने महेश यादवको मंगलबार बिहान मृत्यु भएको थियो । 
खासमा उनको बिहे पनि भएको थिएन र उनको परिवारमा पनि कोही थिएनन् । बैंक खातामा उनले आफ्नो कुनै हकदार पनि उल्लेख गरेका थिएनन् र उनको केवाइसी फाराम पनि जम्मा भएको थिएन । उनको मृत्युपछि गाउँलेहरुले अन्तिम संस्कारको लागि बैंकमा गएर उनको खातामा भएको पैसा बैंकका कर्मचारीसँग मागे तर बैंक म्यानेजरले पैसा दिन मानेनन् । 
यो कुराले रिसाएका गाउँलेले उनकोको लाशनै बोकेर बैंकमा पुगे र लाशलाई बैंकभित्र राखिदिए । लगभग ३ घण्टासम्म बैंकमा महेशको लाश भुईमै त्यतिकै रह्यो । गाउँलेहरु पैसा नलिइ मान्न तयार थिएनन् । अन्ततः म्यानेजरले आफ्नै १० हजार रुपैयाँ गाउँलेलाई दिएर विवाद सुल्झाए । पैसा पाएपछि गाउँलेहरुले महेशको लाश बोकेर अन्तिम संस्कारको लागि गए । -एजेन्सीको सहयोगमा 
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: