- अर्थ सरोकार सम्बाददाता
काठमाडौं । आज आइतबारसम्म गरिमा विकास बैंकको सेयर किन्नेले १४.२१% लाभांश पाउने भएका छन् । बैंकले माघ ३० गते साधारणसभा बोलाएको सोमबारदेखि ३० गतेसम्म बुक क्लोज गर्दैछ । जसअनुसार आजजसम्म कायम रहने सेयरधनीले लाभांश पाउनेछन् ।
बैंकले सभामा गत वर्षको नाफाबाट १३.५०% बोनस सेयर र बोनसमा लाग्ने कर प्रयोजनका लागि ०.७१% नगद लाभांश वितरण गर्ने प्रस्ताव पेश गर्ने भएको छ । सभा होटल पोखरा ग्रान्ड, पार्दी बिरौटामा बिहान १०.३० बजेबाट सुरु हुने बैंकले जनाएको छ ।
अन्य कुनै बैंक तथा वित्तीय संस्थासँग मर्ज वा एक्विजिसन गर्नु परेमा सम्पूर्ण अख्तियारी सञ्चालक समितिलाई दिने एजेन्डा सभामा पेश गरिने भएको छ ।
