• अर्थ सरोकार सम्बाददाता 

काठमाडौं । ज्योति विकास बैंकले ३० करोड ५५ लाख रुपैयाँ नाफा कमाएको छ । बैंक यो नाफा गत वर्षको सोहि अवधिको तुलनामा ८.८१% ले धेरै हो । पुस मसान्तसम्ममा बैंकको प्रतिसेयर आम्दानी १७ रुपैयाँ ४९ पैसा (वार्षिक) पुगेको छ भने प्रतिसेयर नेटवर्थ १३९ रुपैयाँ ३९ पैसा छ । 

यस्तै यस अवधिसम्म आइपुग्दा बैंकको खुद ब्याज आम्दानी १२.०५% ले घटेको छ भने सञ्चालन नाफा ०.०८% ले बढेको छ । बैंकको वितरण योग्य नाफा १५ करोड ७५ लाख रुपैयाँ रहेको छ । पुस मसान्तसम्म बैंकले ४४ अर्ब ७५ करोड रुपैयाँ निक्षेप संकलन गर्दा ३४ अर्ब ४९ करोड रुपैयाँ कर्जा प्रवाह गरेको छ ।