- अर्थ सरोकार सम्बाददाता
काठमाडौँ । मिर्मिरे लघुवित्त वित्तीय संस्थाले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । संस्थाले दोस्रो त्रैमासमा ८८.७८ प्रतिशत बढीले बढाएर ७ करोड ५१ लाख ४१ हजार रुपैयाँ खुद नाफा आर्जन गरेको वित्तीय विवरण सार्वजनिक गरेको हो । गत आर्थिक वर्षको यसै अवधिमा संस्थाले ३ करोड ९८ लाख ४ हजार रुपैयाँ मात्रै खुद नाफा आर्जन गरेको थियो ।
यस्तै पुसमसान्तसम्ममा संस्थाको खुद ब्याज आम्दानी १० करोड ३५ लाखबाट बढेर १७ करोड ९२ लाख पुगेको छ भने सञ्चालन मुनाफा पनि ५ करोड ४० लाखबाट बढेर ११ करोड ९२ लाख पुगेको छ । जसकारण खुद नाफामा सुधार भएको छ । संस्थाको चुक्ता पूँजी ३९ करोड ८६ हजार २६ हजार रुपैयाँ रहेको छ भने वार्षिक प्रतिसेयर आम्दानी ३७.९४ रुपैयाँ र प्रतिसेयर नेटवर्थ १५१.५५ रुपैयाँ पुगेको विवरणमा उल्लेख छ ।
साथै जगेडा कोषको आकार १३ करोड ३६ लाखबाट बढेर २० करोड ५४ लाख रुपैयाँ पुगेको छ । यस अवधिमा संस्थाले १ अर्ब ६७ करोड ५३ लाख रुपैयाँ निक्षेप संकलन गरेको छ ।
