• अर्थ सरोकार सम्बाददाता 

काठमाडौँ । दोस्रो त्रैमास नेपाल एग्रो लघुवित्त वित्तीय संस्थाले चालु आर्थिक वर्षको दोस्रो त्रैमासमा १ करोड ४३ लाख ३३ हजार रुपैयाँ खुद नाफा आर्जन गर्न सफल भएको छ ।  संस्थाको यो नाफा गत वर्षको सोहि अवधिको तुलनामा  १२३.४३% ले धेरै हो ।

सार्वजनिक गरेको वित्तीय विवरणअनुसार संस्थाले पुसमसान्तसम्ममा २८ करोड ६७ लाख ३९ हजार रुपैयाँ निक्षेप संकलन गरी ८८ करोड ३९ लाख ३२ हजार कर्जा लगानी गरेको छ भने रिजर्भ कोषमा ३ करोड ७७ लाख ८५ हजार रुपैयाँ जम्मा गरेको छ । 

यस्तै यस अवधिमा संस्थाको प्रतिसेयर आम्दानी ५० रुपैयाँ ८ पैसा र प्रतिसेयर नेटवर्थ १६६ रुपैयाँ ६ पैसा रहेको छ । नेपाल एग्रोको खराब कर्जा गत वर्ष १.३३% रहेकोमा अहिले बढेर १.९०% पुगेको छ ।