• अर्थ सरोकार सम्बाददाता

काठमाडौं । चालु आर्थिक वर्षको दोस्रो त्रैमासमा नेपाल बैंक खुद नाफा घटेको छ । बैंकले नाफा ०.१४% ले घटेर १ अर्ब ३५ करोड रुपैयाँ नाफा कमाएको वित्तीय विवरण सार्वजनिक गरेको हो । गत वर्ष बैंकले १ अर्ब ३५ करोड २३ लाख रुपैयाँ नाफा कमाएको थियो ।

सार्वजनिक वित्तीय विवरण अनुसार बैंकको वितरणयोग्य नाफा ०.८०% ले घटेको छ भने खुद ब्याज आम्दानी र सञ्चालन नाफा क्रमशः ८.२४% र १७.९६% ले बढेको छ । पुस मसान्तसम्म आइपुग्दा बैंकको खराब कर्जा २.८८% रहेको छ । बैंकको प्रतिसेयर आम्दानीमा ६ रुपैयाँ २ पैसाले घटेर २१ रुपैयाँ ३७ पैसामा झरेको छ । यसको प्रतिसेयर नेटवर्थ भने २५३ रुपैयाँ १८ पैसा छ ।

६ महिनामा बैंकको निक्षेप १ खर्ब ४१ अर्ब रुपैयाँबाट बढेर १ खर्ब ४८ अर्ब पुगेको छ भने कर्जा लगानी १ खर्ब ३ अर्बबाट बढेर १ खर्ब १६ अर्ब रुपैयाँ पुगेको छ । यस्तै बैंकको चुक्ता पूँजी ११ अर्ब २८ करोड २८ लाख रुपैयाँ हुँदा जगेडा कोषमा १३ अर्ब ८५ करोड रुपैयाँ रहको छ ।