- अर्थ सरोकार सम्बाददाता
काठमाडौँ । साताको कारोबारको चौंथो दिन बुधबारब सेयर बजार बढेको छ । नेप्से परिसूचक मंगलबारको तुलनामा १५.८७ अंकले बढेर २३४२.७६ बिन्दुमा पुगेको छ । लगातार बढिरहेको बजारमा मंगलबार भने ५.५७ अंकको देखिएको थियो । नेपाल स्टक एक्सचेन्ज (नेप्से) का अनुसार आज २११ कम्पनीको १ करोड ५९ लाख ८१ हजार ९५२ कित्ता सेयर खरिद बिक्री हुँदा ६ अर्ब २१ करोडमाथिको कारोबार भएको छ ।
आज सबैभन्दा बढी कारोबार नेपाल लाइफ इन्स्योरेन्सको भएको छ । यस कम्पनीको ६१ करोड ४० लाखमाथिको कारोबार भएको छ । त्यसपछि कारोबार क्रमश: प्रभु बैंक र नेपाल पुनर्बीमा कम्पनीको भएको छ । आज ५ समूहबाहेकका अरु सबै समूह बढेका छन् । यस्तै आज सबैभन्दा धेरै बेस्ट फाइनान्सका लगानीकर्ताहरुले कमाएका छन् भने बिशाल बजारका लगानीकर्ताले सबैभन्दा धेरै गुमाएका छन् ।
