• अर्थ सरोकार सम्बाददाता 

काठमाडौँ । साताको कारोबारको पहिलो दिन आइतबार नेप्से बढेको छ ।  बिहिबारको तुलनामा बजार ४१.२४ अंकले बढेर २२३५.७२ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २०७ कम्पनीको १ करोड ५० लाख ३० हजार ८३६ सय कित्ता सेयर खरिद बिक्री हुँदा ६ अर्ब ३२ करोडमाथिको कारोबार भएको छ । 

आज सबैभन्दा बढी कारोबार प्रभु बैंकको भएको छ । यस बैंकको ४० करोड २९ लाखमाथिको कारोबार भएको छ । त्यसपछि कारोबार क्रमश: कुमारी बैंक र नेपाल पुनर्बीमा कम्पनीको भएको छ । आज १ समूहबाहेकका अरु सबै समूह बढेका छन् । यस्तै आज सबैभन्दा धेरै प्रभु लाइफ इन्स्योरेन्सका लगानीकर्ताहरुले कमाएका छन् ।