काठमाडौं । पेट्रोल र डिजेलको भाउ बढेको छ । नेपाल आयल निगमले माघ ५ गते रातिदेखि लागू हुने गरी पेट्रोल तथा डिजेल र मट्टितेलको भाउ बढाएको हो । निगमले पेट्रोल तथा डिजेल र मट्टितेलको साबिक खुद्रा बिक्री मूल्यमा प्रतिलिटर २ रुपैयाँका दरले वृद्धि भएको जनाएको हो ।

निगमको डिपो क्षेत्रको १५ किलोमिटर परिसरभित्रका लागि पेट्रोल तथा डिजेल/मट्टितेलको नयाँ खुद्रा बिक्री मूल्य क्रमशः ११० र ९३ रुपैयाँ प्रतिलिटर कायम गरेको छ भने हवाई इन्धन तथा एलपी ग्यासको मूल्य हाललाई यथावत् नै राखिएको छ ।