• अर्थ सरोकार सुदूरपश्चिम ब्युरो

कैलाली । मालपोत कार्यालय कैलालीमा भएको बेतिथिबारे समाचार संकलन गर्न गएका अर्थ सरोकार डटकमका सुदूरपश्चिम ब्युरो संयोजक सुदर्शन श्रेष्ठमाथि कार्यालयका प्रमुख सुरेन्द्र केसीले गरेको दुर्व्यवहार र हातपातको प्रयासको चौतर्फी आलोचना भएको छ । विभिन्न पत्रकार संगठनहरुले यसको खुलेरै विरोध गरेका छन् । यसैबीच नेपाल प्रेस युनियनका कैलाली अध्यक्ष श्रवण देउवाले सो घटना निकै निन्दनीय भएको बताएका छन् ।

‘हाकिम सार्है विवेक नभएको मान्छेजसरी प्रस्तुत भए । तपाईं त बस् प्रश्न सोध्न न जानुभएको थियो, जवाफ दिनुपर्ने ठाउँमा उनले जस्तो व्यवहार गरे, त्यो दुखद् र निन्दनीय छ ।’ देउवाले भने, ‘उहाँले त आफ्नो हैसियतले प्रश्नको जवाफ दिनुपर्थ्यो । तर उनले जुन शैली प्रस्तुत गरे, त्यो गलत छ ।’

साथै उनले सरकारी संयन्त्र कमजोर हुँदा यस्ता अराजक तत्वहरुको मनोमानी बढेकोसमेत बताएका छन् । ‘जनताका कुरा उठाउने पत्रकारहरुलाई दुर्व्यवहार गर्नु भनेको जनताको दुर्व्यवहार गर्नु हो । यसतर्फ सबैजना सचेत हुनुपर्छ ।