• अर्थ सरोकार सम्बाददाता 

काठमाडौं । नागढुं‌गाबाट स्रोत नखुलेको रकमसहित आज पुन: एक जना पक्राउ परेका छन् । प्रहरीले स्रोत नखुलेको नगद ३७ लाख रुपैयाँसहित चितवनको माडी नगरपालिका-६ का रामकुमार गुरुङलाई नागढुं‌गाबाट पक्राउ गरेको हो। 

चितवनबाट काठमाडौंतर्फ आउँदै गरेको बा.३ ख ९१३९ नम्बरको हाइस गाडी चेकजाँच गर्ने क्रममा प्रहरीले उनलाई नियन्त्रणमा लिएको हो । प्रहरीले उनको साथबाट ७ लाख ११ हजार रुपैयाँ लेखिएको ग्लोबल आईएमई बैंकको १ थान चेक र हस्ताक्षर भएको तर नगद उल्लेख नभएको १ थान चेकसमेत बरामद गरेको छ । उनिमाथि थप अनुसन्धान भइरहेको छ ।