• अर्थ सरोकार सम्बाददाता 

काठमाडौं । नेपाल इन्फ्रास्ट्रक्चर बैंकको आईपीओमा नयाँ रेकर्ड कायम भएको छ । बैंकको आईपीओमा १५ लाख २९ हजार ४६० जनाले १८ करोड १२ लाख ८६ हजार ७२० कित्ताका लागि आवेदन दिएका छन् । यस बैंकले ८ अर्ब रूपैयाँ बराबरको ८ करोड कित्ता आईपिओ शुक्रबारबाट बिक्रीमा ल्याएको थियो । आज आवेदन दिन अर्थात अन्तिम समयसम्ममा उक्त रकम बराबरको आवेदन परेको हो ।  

बैंकले ८ करोडमध्ये १ लाख ६० हजार कित्ता कर्मचारीका लागि र ४ लाख कित्ता म्यूचअल फण्डका लागि  छुट्याएको थियो भने बाँकी ७ करोड ५८ लाख ४० हजार कित्ता सेयरमा भने सर्वसाधारणले आवेदन दिएका थिए । आवेदकहरुको संख्या हेर्दा प्रति आवेदन ५० कित्ताको हाराहारीमा सेयर पर्ने देखिएको छ । यसअघि चन्द्रागिरी हिल्सको आइपीओमा भने १२ लाख ७७ हजारले आवेदन दिएका थिए ।